Atención á Diversidade
addfad
Que debo facer se solicito unha praza pola quenda de discapacidade?
Deberás asistir a unha reunión individual, presencial pu telemática, co Departamento de Información e Orientación Profesional do centro que elixiches como primeira opción.
Que documentación teño que presentar?
- Certificado do grao de discapacidade
- Ditame técnico facultativo
- Calquera outra documentación relevante
Para que serve a reunión co departamento de orientación?
Serve para informar sobre o ciclo solicitado e analizar as posibles dificultades que a discapacidade poida xerar na adquisición das competencias e resultados de aprendizaxe.
O informe do departamento de orientación é vinculante?
O informe de orientación é orientativo e non vinculante. A persoa solicitante poderá continuar coa súa solicitude do ciclo formativo aínda que o informe sexa desfavorable para ese ciclo.
Podo modificar a miña solicitude despois da reunión?
Si. Se é necesario, poderás modificar a túa solicitude tendo en conta a orientación recibida e a nova proposta de escolarización.
Que medidas existen nos centros para atender ás necesidades do alumnado con diversidade?
Os centros educativos contan con distintos protocolos e medidas para garantir unha atención axeitada á diversidade do alumnado co obxectivo de favorecer a igualdade de oportunidades e o acceso á formación.
Cales son esas medidas na Formación Profesional?
Existen dúas grandes categorías de medidas de atención á diversidade: ordinarias e extraordinarias.
Medidas ordinarias:
-Metodolóxicas: adaptación das programacións, de materiais, aprendizaxe cooperativa, proxectos, traballo por tarefas, metodoloxías activas.
-Organizativas: adaptación de horarios, espazos ou aulas.
-Avaliación: axustes de tempos, adaptación de probas, flexibilización de instrumentos de avaliación.
-Apoio educativo: reforzos, desdobres, apoio dentro da aula, uso de tecnoloxías de apoio.
-Acceso ao currículo: materiais adaptados, comunicación aumentativa e alternativa, eliminación de barreiras físicas ou de información.
Medidas extraordinarias
Flexibilización modular : permite cursar un ciclo ordinario por módulos , seguindo unha temporalización diferente á ordinaria. Require autorización.
Que protocolos existen para a atención á diversidade do alumnado?
O sistema educativo dispón de protocolos e medidas específicas destinados a dar resposta ás necesidades específicas do alumnado.
