A biblioteca CIFP A Xunqueira é un espazo de recursos para a lectura, a información e a aprendizaxe de toda a comunidade educativa. Forma parte do Plan de Mellora de Bibliotecas Escolares de Galicia dende o curso 2023-2024.

Dispoñemos dunha colección con fondos en diferentes soportes relativos a contidos curriculares, obras xerais de referencia, ficción… A meirande parte están na biblioteca, aínda que tamén os hai noutras zonas, como nos departamentos das familias profesionais.

 

Horario:

De luns a venres durante o horario de apertura do centro, con atención directa en determinadas franxas horarias.

Servizos:

• Préstamo.
• Lectura e consulta en sala.
• Ordenadores con acceso á Rede para facer buscas documentais e/ou traballos.
• Espazo de traballo: postos para o traballo individual ou en grupo.
• Formación no uso da biblioteca.
• Accións para o fomento da lectura, culturais e para a alfabetización informacional.
• Solicitude de novas adquisicións.
• Wifi.

Normas xerais de funcionamento:

• A biblioteca, ademais, dun espazo para a lectura, préstamo e estudo é un lugar para poder crear, compartir, investigar, xogar, traballar en grupo…
• ​Para fomentar convivencia e a non interferencia entre actividades de distinto tipo, debemos observar e valorar se é o momento apropiado para o uso que queremos facer da biblioteca nun momento dado.
• Queremos facer da biblioteca un espazo seguro, polo que valores como o respecto, a tolerancia, a igualdade, o coidado das persoas e os materiais… son fundamentais.
• O respecto polo medio natural é outro piar, polo que é importante valorar a necesidade ou non de acendido das luces, facer un uso eficiente da impresora, apagar os ordenadores cando non se están a usar…
• A biblioteca pode ser reservada para desenvolver actividades de aprendizaxe (traballo por proxectos, obradoiros…), dinamización cultural… Para iso hai que contactar previamente, con suficiente antelación, coa coordinadora.
• As actividades que se desenvolven na biblioteca son anunciadas a través dun calendario á entrada da mesma.

Redes sociais:

• Instagram: @biblioteca.cifpaxunqueira.
• Facebook: Biblio CIFP A Xunqueira.
• Pinterest: bibliotecacifpaxunqueira.
• Blog (última actualización: decembro 2025).

Correo electrónico:

• biblioteca.cifp.xunqueira@edu.xunta.gal
  

Recursos de interese:

• Guía de uso da biblioteca.
• Guía para buscar no catálogo.
• Catálogo do CIFP A Xunqueira.
• E-LBE.2 Plataforma de lectura dixital para as bibliotecas escolares.
• Programa ALFIN para o fomento de competencias informacionais no alumnado.
• Radio: Programa “Frecuencia Morada”.
• Galicia Le.
• Rede de Bibliotecas de Galicia.