Todo o alumnado do centro ten a posibilidade de solicitar a mobilidade, ben realizando o período de Formación na Empresa (antes FCT, agora FE), ou ben, como recén titulado.

Está aberto ao alumnado de Ciclos Superiores e Ciclos Medios en todas as modalidades, ademáis de  FP de grao Básico e cursos AFD (Certificados de Profesionalidade).

No primeiro trimestre de cada curso, farase unha reunión co alumnado interesado para informarlle do funcinamento do programa Erasmus+.

No primeiro trimestre de cada curso, farase unha reunión co alumnado interesado para informarlle do funcinamento do programa Erasmus+.

Nos períodos de Formación en Empresa (FCT no plan vello) e, no caso de alumnado recién titulado, dentro do ano inmediatamente posterior a obtención da titulación.

Pódese realizar a mobilidade a calquera país da UE e/ou a outros países que determine cada convocatoria.

O noso CIFP xa ten establecidos contactos nalgúns Centros/empresas de determinados países, o que podería facilitar a xestión.

Ademáis existe a opción de que o alumnado interesado contacte directamente co algunha empresa de seu interese e nolo propoña.

O Centro informará das prazas dispoñibles por países e Ciclos, asignando, prioritariamente, a aqueles países/empresas colaboradores do  Centro. Por isto, a pesar de que se tentará que viaxedes ao destino solicitado, tampouco está garantido porque vai depender das empresas e aloxamentos dispoñibles nesa zona e de outros factores.

Con carácter xeral, a cuantía da beca é superior para as mobilidades de alumnado de Ciclos Medios e Básicos que para os de Ciclos Superiores.

Para facernos unha idea, de forma xeral, a beca para os ciclos medios ascende aos 1000euros/mes e para os superiores 300euros/mes, aínda que a cuantía final dependerá do número de días e país de destino.

Nota:

As cantidades citadas son cifras orientativas que poden variar en función do propio programa Erasmus+.

O alumnado ten que facer fronte aos seguintes gastos:

• Desprazamento ao país de destino (ida e volta)
• Desprazamento do aeroporto ao lugar de aloxamento (ida e volta)
• Aloxamento e manutención (incluídas fianzas do aluguer)
• Desprazamentos dentro do propio país de destino para acudir do aloxamento á empresa, actividades de lecer, etc.
• Seguro de viaxe.
• Calquera gasto derivado das xestións documentais que sexan precisas no país de destino (taxas, certificados, etc…)
• No caso de mobilidades a Italia, normalmente haberá que engadir os gastos dunha empresa intermediaria que xestiona a búsqueda de empresa, aloxamento, asesoramento no país, etc.

Para facer fronte a estes gastos, e dado que o importe da beca non se abona ata unha vez iniciada a mobilidade, é necesario contar con facer un desembolso inicial. Con carácter xeral,  a cantidade inicial a adiantar podería superar os 1.000€ (cifra aproximada)

O 80% do importe total desta cuantía abónase no inicio da mobilidade, pero non está garantizado que sexa antes do inicio da mobilidade, aínda que normalmente sóese recibir dito importe no primeiro mes da realización da mobilidade.

O 20% restante recibirase unha vez finalizado o período de estancia no estranxeiro, logo de entregar no centro educativo os seguintes documentos:

• Certificado da empresa de ter finalizado o período formativo
• Realizar unha enquisa online a recibir no mail aportado no momento da solicitude da mobilidade.

Estas becas son compatibles coas becas otorgadas polo MEC.

É requisito imprescindible contar cun seguro de viaxe que cubra os seguintes casos obrigatoriamente, entre outros:

• Seguro de accidentes no estranxeiro
• Responsabilidade civil
• Repatriación en caso de deceso
• Pérdida de equipaxe

Recoméndase obter o Carné Xove.

É obrigatorio obter a Tarxeta Sanitaria Europea en vigor.

A información facilitarase a través de Abalar e en reunións presenciais no Centro. É importante ter en conta que a mensaxería de Abalar dos maiores de idade non chega ás familias, polo que é necesario que este alumnado traslade esta información, no seu caso.

Os menores de idade poden solicitar estas mobilidades pero as titorías legais teñen que tramitar na Policía Nacional unha autorización para o período de estancia no país de destino.

En calquera caso, van a estar titorizados dende o Centro educativo polo seu titor/a.

Impartiranse charlas informativas ás familias do alumnado menor de idade.

É recomendable que o alumnado menor de idade esté acompañado polo menos por un compañeiro/a maior de idade de cara a facilitar contratos de alugueiro e outras xestións, dependendo do país de destino.

O alumnado ten que ter a documentación identificativa en vigor (DNI, pasaporte, Tarxeta Sanitaria Europea….)

Para países da Unión Europea basta o DNI.

O alumnado estranxeiro precisará o pasaporte e NIE.

• Ter todos módulos superados, é decir, promocionar á FCT (plan vello )ou FE (Formación en Empresa)
• O centro a través dunha Comisión de Valoración, seleccionará ao alumnado segundo a puntuación conseguida no baremo publicada en cada convocatoria. Con carácter xeral, terase en conta o expediente académico, a acreditación linguística (de ser o caso) e a valoración do equipo docente, entre outras. (A puntuacion deste baremo pode consultarse na folla de solicitude).
• Unha vez se teña claro a decisión de participar no programa débese entregar esta solicitude a través do correo: programas.internacionais.cifp.xunqueira@edu.xunta.gal.

Consulta este link para os prazos da convocatoria que che interesa!