Que se aprende a facer?
Realizar operacións auxiliares de mantemento electromecánico en sistemas e equipamentos, de reparacións en elementos estruturais e aparellos, de protección e embelecemento de superficies, en embarcacións tanto deportivas como de recreo, seguindo as instrucións recibidas, adoptando as medidas de prevención de riscos laborais e protección ambiental correspondentes, e comunicándose de xeito oral e escrito en linguas galega e castelá, así como nalgunha lingua estranxeira.

En que ámbitos se traballa?
No sector do mantemento de embarcacións deportivas e de recreo, nomeadamente en talleres de reparación e de mantemento naval e construción de embarcacións de recreo e deporte.

Que ocupacións se desempeñan?
Auxiliar de carpinteiro/a de ribeira, de pintor/ora de embarcacións, de mantemento de elementos de plástico reforzado con fibra, de mantemento de sistemas mecánicos de embarcacións, de mantemento de sistemas eléctricos e electrónicos de embarcacións e de mantemento de aparellos de embarcacións.